झापाको गौरादह नगरपालिकामा जारी गौरादह साँस्कृतिक महोत्सव २०८० मा आज चर्चित गायिका तथा `दि भ्वाइस अफ नेपाल सिजन ५´ कि कोच मिलन नेवार आउने भएकी छ्न ।
गौरादह -१ स्थित डिपु चौकमा माघ ११ गतेदेखी संचालन भईरहेको महोत्सवमा आज (शुक्रबार ) गायिका तथा भ्वाइस अफ नेपाल सिजन ५ कि कोच मिलन नेवार गौरादह आउन लागेकी हुन् ।
गत महिना सम्पन्न दि भ्वाइस अफ नेपाल सिजन ५ मा भ्वाइसको इतिहासमै नारी कोचको जिम्मेवारी सम्हाल्दै नेवारको टिमबाट बिनोद राई विजेता भएका थिए ।
गायिका नेवारका फुलबुट्टे सारी, देउन मलाई बास, जनम जनम जिउला संगै, सिरिमा सिरि, पानी मीठो कुवाको लगायतका तीन दर्जन बढी गीत चर्चित छन ।
महोत्सव माघ २५ गतेसम्म चल्नेछ ।
महोत्सवमा नेपालका चर्चित गायिका एलिना चौहान, दीपक लिम्बू, टंक बुढाथोकी, अशोक दर्जी, हास्य कलाकार सिताराम कट्टेल (धुर्मुस) र कुन्जना घिमिरे (सुन्तली) लगायत आधा दर्जन भन्दा बढी कलाकारले आफ्नो प्रस्तुति देखाईसकेका छन ।
