झापा, कार्तिक २३ । झापाको कनकाई नगरपालिका–७ का ३६ वर्षीय चन्दन मुर्मु पौडी खेल्ने क्रममा गम्भीर रूपमा घाइते भएका छन् ।
शनिबार दिउँसो करिब २ः३० बजे मुर्मु नगरपालिका–३ सिमलबाडीस्थित आफ्नी फुपुको घरमा ‘मरिमराउ’ कामका लागि पुगेका थिए । त्यही क्रममा नजिकैको सानो माई खोलामा पौडी खेल्ने क्रममा उनले उल्टो जम्प गरेको र सोही क्रममा दुर्घटनामा परेका हुन् ।
दुर्घटनामा मुर्मुको गर्दन भाँचिनुका साथै टाउकोमा गम्भीर चोट लागेको प्रहरी स्रोतले जनाएको छ । उनलाई तत्काल उद्धार गरी बिर्तामोडस्थित बिर्तासिटी अस्पताल पुर्याइएको छ, जहाँ उनको अवस्था गम्भीर रहेको बताइएको छ ।
घाइतेको उपचारमा उनका दाइ डिची मुर्मु संलग्न रहेका छन् ।
