sajalsandesh

उपसभामुख तुम्बाहाङ्फेले राजीनामा नदिएपछि ओली–प्रचण्ड फा,यर

काठमाडौं – उपसभामुख शिवमाया तुम्बाहाङ्फेको राजीनामाका कारण सत्तारुढ दलमा सभामुख चयनको विषय पेचिलो बनेको छ । पार्टी अध्यक्षद्वय केपी शर्मा ओली र पुष्पकमल दाहाल ‘प्रचण्ड’ बीच पहिला उपसभामुखको राजीनामा वा नयाँ सभामुखको चयन भन्नेमा समस्या देखिएको छ । जसका कारण नयाँ सभामुख चयनको विषय नै अन्योलमा परेको नेकपा श्रोतको दाबी छ ।

अध्यक्ष प्रचण्डसहित पूर्व माओवादी पक्षले उपसभामुख तुम्बाहाङ्फेले राजीनामा दिएपछि नयाँ सभामुख चयनको बाटो खुल्ने तर्क गरेको र प्रधानमन्त्री ओली पक्षले पहिला सभामुख चयन त्यसपछि उपसभामुखको राजीनामाको बाटो उपयुक्त हुने बताउँदा सभामुख चयन थप पेचिलो बनेको स्रोतको दाबी छ ।

प्रचण्ड निकट नेताहरुले भने अर्का अध्यक्ष ओलीले उपसभामुख तुम्बाहाङ्फेलाई राजीनामा दिनबाट रोकेको भन्दै संशय व्यक्त गरिरहेको छ ।

प्रधानमन्त्री ओलीले सुवास नेम्वाङलाई सभामुख बनाउन चाहेका छन् भने प्रचण्डले अग्नी सापकोटालाई सभामुख बनाउनु पर्ने बताउँदै आएका छन् ।

राष्ट्रपति विद्यादेवी भण्डारीले भने उपसभामुख तुम्बाहाङ्फेलाई नै सभामुख बनाउनु पर्ने लिवङ गरेको नेकपा निकट श्रोतको दाबी छ ।

शुक्रवार उपसभामुख तुम्बाहाङ्फे र नेकपाका दुई अध्यक्षबीच भेटवार्तासमेत भएको छ । भेटमा उपसभामुख तुम्बाहाङ्फेले नयाँ सभामुखको चयन नगरी आफूले राजीनामा नदिने अडान राखेको बालुवाटार श्रोतको भनाइ छ ।

तुम्बाहाङ्फे राजीनामा नदिएका कारण सभामुख चयन प्रक्रिया जटिल बनेको पूर्वमाओवादीका केही नेताहरुको भनाइप्रति समेत उपसभामुख तुम्बाहाङ्फेले अध्यक्षद्वयसँग असन्तुष्टि जनाएकी छिन् ।

मेरो राजीनामा नआएका कारण रोकियो भनेर केही साथीहरुले भन्नु भएको रहेछ, के आधारमा यस्तो भनिरहनु भएको छ । कुन कानूनको आधारमा उहाँहरुले यसो भनिरहनु भएको छ रु’ उनको भनाइ उद्धृत गर्दै स्रोतले भन्यो ।

भेटमा उपसभामुख तुम्बाहाङ्फेले तत्कालिन सभामुख कृष्णबहादुर महराको दोषको आफू भागिदार नबन्ने र आफ्नो कारणले सभामुख चयनमा कुनै अवरोध नभएको बताएको स्रोतको दाबी छ ।

उपसभामुख तुम्बाहाङ्फेसँगको छलफल पछि प्रधानमन्त्री ओली र प्रचण्डबीच पनि छलफल भएको थियो । तर दुई अध्यक्षबीचको छलफलले केही निचोड भने निस्कन सकेन ।

ismt college
dish home