बिर्तामोड – झापाको विर्तामोडस्थित साना शहरी खानेपानी तथा सरसफाई उपभोक्ता संस्थाको निर्वाचनमा संयुक्त लोकतान्त्रिक समूहको प्यानल नै विजयी भएको छ ।
मतगणनाको अन्तिम मत परिणाम अनुसार लोकतान्त्रिक समूहका अध्यक्षका उम्मेद्वार जलकुमार गुरुङले आफना प्रतिद्धन्दी संयुक्त प्रगतिशील प्यानलतर्फबाट अध्यक्षका उम्मेदवार ज्ञानुराम प्रसाईलाई ८५० मतको फराकिलो मतान्तरले विजयी भएका हुन् ।
दोश्रो कार्यकालका लागि निर्वाचित भएका गुरुङ्गले १ हजार ७ सय ४ मत प्राप्त गरि विजयी भएका थिए भने प्रसाईले ९ सय २० मत प्राप्त गरेका थिए ।
यस्तै,उपाध्यक्षमा लोकतान्त्रिक समूहकै पर्शुराम सिटौला विजयी वने । उनले १ हजार ६ सय ३६ मत प्राप्त गर्दा उनका प्रतिस्पर्धी बुद्धि प्रसाद घिमिरेले ९ सय १८ मत प्राप्त गरेका छन् ।
यसैगरि सचिवमा लोकतान्त्रिक समूहका मेघराज बास्तोला सबैभन्दा धेरै मत ल्याउँदै विजयी भएका छन् । उनले १ हजार ७ सय ३८ मत ल्याएर विजयी भए भने उनका प्रतिष्पर्धी प्रगतिशिलका जनबहादुर जवेगुले ८ सय ३८ मत प्राप्त गरेका छन् ।
कोषाध्यक्षतर्फ लोकतान्त्रिक समूहका सारदा रिजालले १ हजार ५ सय १० मत प्राप्त गरि विजयी भए भने संयुक्त प्रगतिशिलका कमलप्रसाद पौडेलले १ हजार ४७ मत प्राप्त गरेका थिए ।
खुल्ला सदस्यतर्फ लोकतान्त्रिक समूहका देवेन्द्र सिटौलाले १ हजार ६ सय ६७ र पारसमणी मैनालीले १ हजार ५ सय ९४ मत प्राप्त गर्दै विजयी भए भने संयुक्त प्रगतिशील प्यानलका शंकरराज ढुङ्गेलले ८ सय ९० र श्रीप्रसाद सिटौलाले ८ सय ९३ मत प्राप्त गरेका थिए ।
त्यस्तै महिला सदस्यतर्फ लोकतान्त्रिक समूहतर्फबाट माया प्रधान खड्गीले १ हजार ६ सय २०, सितादवी काफ्लेले १ हजार ५ सय ७९ र बालादेबी खरेलले १ हजार ५ सय ८७ मत ल्याउँदै विजयी भईन् भने संयुक्त प्रगतीशिल तर्फका सिता सापकोटा पौडेलले ९ सय ५०, बिनिता कुमारी राजवंशीले ९ सय २२ र हिमादेबी प्रसाईले ९ सय ५२ मत प्राप्त गरेकी थिईन् । कुल मत २ हजार ८ सय १ गणना हुँदा १२८ मत बदर भएको निर्वाचन समितिले जनाएको छ ।
