sajalsandesh

रियल म्याड्रिडलाई पराजित गर्दै चेल्सी च्याम्पियन्स लिगको फाइनलमा

एजेन्सी । इंग्लिस क्लब चेल्सीले यूईएफए च्याम्पियन्स लिगको फाइनलमा पुगेको छ । गएराति भएको सेमिफाइनलको दोस्रो लेगमा स्पेनिस् क्लब रियल म्याड्रिडलाई २-० ले पराजित गर्दै समग्रमा ३-१ को जितसँगै चेल्सी फाइनल पुगेको हो ।

घरेलु मैदान चेल्सीलाई जित दिलाउनको लागि फरवार्ड टिमो वेर्नर र मिडफिल्डर मेसन माउन्टले गोल समान एक/एक गोल गरे । चेल्सीले दुवै हाफमा एक/एक गोल गरेको थियो ।

खेलको २९ औं मिनेटमा जर्मन फरवार्ड वेर्नरको गोलमा चेल्सीले अग्रता लिएको थियो । काइ हाभर्ट्जको चिप प्रहार क्रसबारमा लाग्दै फर्केपछि वेर्नरले त्यसै बललाई खाली पोस्टमा हेडरमार्फत गोल गरेका थिए ।

खेलको ८५ औँ मिनेटमा माउन्टले गोल गर्दै चेल्सीको अग्रता दोब्बर बनाए । उनले क्रिस्टियन पुलिसिचको पासमा गोल गरेका थिए । त्यसपछि बाकीँ समयमा दुवै टोलीबाट थप गोल हुन नसक्दा खेल चेल्सीले जित्त्यो ।

चेल्सीले अब मे २९ मा हुने फाइनलमा इंग्लिस प्रिमियर लिगकै म्यानचेस्टर सिटीको सामना गर्नेछ । सिटीले मंगलबार पिएसजीमाथि ४-१ को जित दर्ता गर्दै फाइनलमा स्थान पक्का गरेको थियो ।

Facebook Comments
ismt college
dish home