काठमाडौं, १९ चैत । खुकुरी देखाउँदै काठमाडौंको खिचापोखरीबाट ६ लाख रुपैयाँ लुट्ने चार जना लागुऔषध प्रयोगकर्ता पक्राउ परेका छन् ।बुधवार साँझ उनीहरुले खिचापोखरीको ग्लोबल जिपाङ टुर्स एन्ड ट्राभलबाट उक्त रकम लुटेर फरार भएका थिए ।
पैसा लुटेर फरार भएकाहरु दाङका दिपुन श्रेष्ठ, रुकुमका तिलक रावत, कालीकोटका नविन केसी र उमेश केसी रहेका छन् ।
उनीहरुले कम्पनीका कर्मचारी दीपक मल्लको हात बाँधेर खुकुरी देखाउँदै रकम लुटेर फरार भएको बताइएकोे छ । उनीहरूलाई राति ५९ हजार सात सय रुपैयाँसहित प्रहरीले पक्राउ गरेको थियो ।
उनीहरूले लागुऔषध सेवनको लागि होटलको कोठामा रोल्पाका प्रशन्न हमाल र सफल आचार्य तथा नवलपरासीका मिलन ढकाललाई बोलाएका थिए । उनीहरु सबै लागुऔषध सेवन गरिरहेको बताइएको छ ।
प्रहरीले सबैलाई नियन्त्रणमा लिएको जनाएको छ ।
