काठमाडौं, १९ चैत। झापाबाट सालको काठसहित चार जना पक्राउ परेका छन् ।
चार जानालाई झापाको मेचीनगरबाट दुई लाख ४० हजार रुपैयाँ बराबरको सालको काठसहित प्रहरीले पक्राउ गरेको जनाएको छ ।
उनीहरुले मे १ त १३८६ नम्बरको ट्याक्टर र मे ३ प ८३७८ नम्बरको मोटरसाइकलमा राखी इलामबाट झापातर्फ ल्याउँदै गरेका थिए ।
झापाको बुद्धशान्ति गाउँपालिका–४ का ४० वर्षीय बलबहादुर राई, ४० वर्षीय सुमन राई, ३० वर्षीय सुरेन राई र २३ वर्षीय दीपक तामाङ पक्राउ परेका हुन् ।
प्रहरीले नियन्त्रणमा लिएका उनीहरुलाई कारबाहीको लागि सब डिभिजन वन कार्यालय चन्द्रगढीमा बुझाइएको बताएको छ।