झापा – लकडाउन गर्ने निर्णयसंगै गौरादह नगरपालिकामा बिहान ६ बजेदेखि ९ बजेसम्म मात्रै साग सब्जी, माछा मासु र खाद्यान्न पसल संचालन हुने भएको छ ।
गौरादह नगरपालिकामा आज बसेको सर्वपक्षीय बैठकले सो निर्णय गरेको हो ।
यो व्यवस्था लागु गर्न सम्बद्ध सबै निकायलाई निर्देशन दिईएको नगरप्रमुख रोहित कुमार शाहले बताए ।
उनका अनुसार औषधी पसल, भेटेनरी तथा कृषि सामाग्री पसलका सवालमा भने व्यवस्था लागु हुने छैन ।
औषधी पसल, भेटेनरी तथा कृषि सामाग्री पसल दिनभर संचालन हुन् पाउने छन् ।