आनुवांशिक वैज्ञानिक डा. सन्तोष दुलालले जेष्ठ ३० गते देखि असार २४ गते सम्म (२६ दिनको) नेपालमा कोभिड -१९ संक्रमणको अवस्थालाई विश्लेषण गर्नुभएको छ ।
प्रत्येक दिन औसतमा –
- पिसिआर प्रयोगशाला परीक्षण : ५,५६५
- कोरोना पुष्टि : ३९२ जनामा (७%)
- निको भएका : २६४ जना (६७.३%)
- क्वारेन्टाइन छोडने संख्या : ५,११६ ( सायद संक्रमण नदेखिएर )
नेपालमा कोरोना पोजेटिभ भएका ९९ % व्यक्तिमा संक्रमणको लक्षण देखिएको छैन । यस्तै, कोरोना संक्रमण देखिएका ९७ % केस आयातित रहेका छन् ।
निको हुनेको दर १७.३ बाट बढेर ४७.२ प्रतिशत पुगेको छ भने ६ गुणाले क्वारेन्टाइनमा बस्ने मानिसको संख्द्रुया घटेको छ ।
आयातित व्यक्तिहरूको उचित व्यवस्थापन, सामुदायमा संक्रमण पुग्नबाट रोक्ने, साविकको भन्दा बढी शंकास्पद व्यक्तिहरुको पिसिआर परीक्षण गर्ने र २ – ३ हप्ता कडा रोकथाम उपायहरू अपनाउने हो भने नेपालमा संक्रमण घट्ने (FLAT CURVE) पुर्वनुमान गर्न सकिन्छ ।