पूर्व पश्चीम लोकमार्ग अन्तर्गत झापाको शिवसताक्षी झिलझिले नजिकै अटो टेम्पोको ठक्करबाट एक जना ९ बर्षिया बालिकाको मृत्यु भएको छ । ट्राफिक प्रहरी कार्यालय झिलझिलेका अनुसार मृत्यु हुनेमा शिवसताक्षी ८ का दिलिप श्रेष्ठकी ९ छोरी शितल श्रेष्ठ हुन ।
बाबुले चलाएको साइकललाई अटोले साँझ करिब पौने ७ बजेतिर ठक्कर दिँदा गम्भिर घाईते भएकी शितलको विर्तासिटी अस्पताल विर्तामोड पुरयाउनसाथ मृत्यु भएको अस्पताललाई उदृत गर्दै ट्राफिक प्रहरीले जनाएको छ । उनका बाबु दिलिपको सामान्य अवस्थामा उपचार भइरहेको छ ।
ठक्कर दिने अटोका चालक सोही ठाउँका पूर्णप्रसाद भट्टराई इलाका प्रहरी कार्यालय झिलझिलेको नियन्त्रणमा छन ।
