ललितपुर – काठमाण्डौं र ललितपुर आसपासमा रातिको समयमा मान्छे पोलेको जस्तो सहनै नसक्ने चर्को दुर्गन्ध फैलाउने ३ जनालाई प्रहरीले पक्राउ गरेको छ। केहिदिन यता काठमाण्डौं, ललितपुर र भक्तपुरमा मध्ये रातमा स्थानीयहरू त्रसित हुनेगरी दुर्गन्ध फैलाएको आरोपमा ललितपुर सुनाकोठी बस्ने वर्ष ४८ को राजेश शेर्पा, भारत घर भई हाल सुनाकोठी बस्ने वर्ष २८ को साजित मुस्लिम र फेसल मुस्लिम पक्राउ परेका छन् ।
प्रहरीले तीन जनाले राँगा र भैँसीको हड्डी, छाला तथा रौँ पोलिरहेको अवस्थामा फेला पारी पक्राउ गरेको जनाएको छ । ललितपुरको सातदोबाटो, एकान्तकुना, मंगलबजार, कुसुन्ती, च्यासल, पुलचोक, कुमारीपाटी, गाबहाल क्षेत्रमा उनीहरूले आतंक मच्चाउँदै आएका थिए ।
